အတိတ်နှင့် ပစ္စုပ္ပန်
ကျွန်တော့်မိတ်ဆွေ ကိုသန်းဌေးက သည် “နေရောင်ခြည်နဲ့တွေ့ဆုံခြင်း”
ကဗျာရှည်ကို ထုတ်ဝေဖို့ပြောလာသည့်အခါ သည်ကဗျာနဲ့ပတ်သတ်ပြီး ပြောဖို့ အနည်းငယ်ရှိလာပါသည်။
ဤကဗျာသည် တစ်ကြိမ်တခါမျှ ပုံနှိပ်ဖော်ပြ ခြင်းမပြုရသေးသည့် ကဗျာအသစ်တစ်ပုဒ်ဖြစ်ပါသည်။
သို့ရာတွင် ပုံနှိပ်ဖော်ပြမှုသမိုင်းအရ
ကဗျာအသစ်တစ်ပုဒ်ပင် ဖြစ်သော်လည်း ကျွန်တော့်မိတ်ဆွေ ကဗျာဆရာအချို့နဲ့ မျိုးဆက်သစ်လူငယ်ကဗျာဆရာများ၊
ကဗျာချစ်သူအတော်များများအဖို့ ကဗျာအဟောင်းတစ်ပုဒ်သာဖြစ်ပါသည်။
ဤကဗျာရှည်ကို လွန်ခဲ့သည့် အနှစ်နှစ်ဆယ်ကလအတွင်း
နှစ်များက ရေးသားခဲ့ပြီး ၁၉၇၈ခုနှစ်က လက်ရေးစာ အုပ်ငယ်အဖြစ် မိတ်ဆွေအတော်များများ ဖတ်ရှုပြီးဖြစ်ပါသည်။
ကျွန်တော့်အဖို့ အမှတ်တမဲ့ပင်ဖြစ်သော်လည်း မိတ်ဆွေ တချို့နဲ့ မျိုးဆက်သစ်လူငယ်ကဗျာဆရာများက
လူကိုယ်တိုင်ဖြစ်စေ၊ စာရေး၍ဖြစ်စေ ဤကဗျာစာအုပ်ငယ်ကို ရလိုကြောင်း မကြာခဏ တောင်းဆိုတတ်ကြပါသည်။
ကိုယ်ရေးသည့်စာများကို စနစ်တကျ သိမ်းဆည်းမထားတတ်သော
ကျွန်တော့်အဖို့ ထိုမိတ်ဆွေများ၏အလိုဆန္ဒ ကို ဖြည့်ဆည်းဖို့ထက် ကျွန်တော်ကိုယ်တိုင်
တခါတရံ ပြန်ဖတ်ချင်စိတ်ရှိ၍ ဖတ်စရာစာအုပ်မရှိဖြစ်ခဲ့ရပါသည်။ ၁၉၉၀ပြည့် နှစ်၊ ဇူလိုင်လက
မဟေသီမဂ္ဂဇင်းတွင် ကိုဟိန်းလတ်နှင့် ရုပ်ရှင်တေးကဗျာမဂ္ဂဇင်းတွင် မာဆိုးတို့က အင်တာဗျူးလုပ်ဖြစ်သောအခါ ထိုစာအုပ်ငယ်ကို မဖြစ်မနေ ရှာရမည့် အခြေအနေ၌ တက္ကသိုလ်မှ မြန်မာစာနည်းပြ မိတ်ဆွေအမျိုးသမီးစာရေးဆရာမတစ်ဦးထံမှ ရရှိပါသည်။ ထိုစာအုပ်ကိုလည်း အင်တာဗျူးကိစ္စပြီးလျှင် ဆက်ဆက်ပြန်ပေးရန်ကတိဖြင့်
ငှားယူခဲ့သော်လည်း ရန်ကုန်မှ မိတ်ဆွေကဗျာဆရာတစ်ဦးက အတင်းအကြပ်ယူဆောင်သွားသည့်အတွက်
ပိုင်ရှင်ထံပြန်ပေးဖို့ ကတိပျက်ခဲ့ရပါသည်။
ယခုကျွန်တော့်မိတ်ဆွေနှင့် ဤကဗျာရှည်ကိုထုတ်ဝေဖို့
ကြုံလာသည့်အခါ ညီငယ်ကဗျာဆရာသွယ်အောင် ကူး ယူထားသော လက်ရေးမူရရှိ၍ အဆင်ပြေသွားပါသည်။
ဤနေရာမှပင် ညီငယ်ကဗျာဆရာသွယ်အောင်အား ကျေးဇူးတင် ကြောင်း စကားဆိုခဲ့ပါမည်။
ဤကဗျာရှည်နှင့်ပတ်သတ်၍ နောက်တစ်ချက်ပြောရန်ရှိသည်မှာ
ကျွန်တော့်ကလောင်အမည်ကိစ္စဖြစ်ပါသည်။ ထိုစာအုပ်ငယ်၌ ကျွန်တော့်ကလောင်အမည်မှာ နေမင်းပိုင်စိုးဖြစ်ပါသည်။
ထိုကလောင် အမည်ဖြင့်ပင် ပိုင်သနှင့်တွဲပြီး
“အီကွေတာအော်သံ” အမည်ဖြင့် အလားတူကဗျာစာအုပ်တစ်အုပ် သည့်မတိုင်ခင်နှစ်(၁၉၇၇)က
ရေးသားခဲ့ကြပါသည်။ ကျွန်တော်မိတ်ဆွေတော်တော်များများက ကျွန်တော့်အား ယခုပိုင်စိုးဝေထက်
နေမင်းပိုင်စိုးကို ပို၍ အသိအမှတ်ပြုလိုသူ များပင် ရှိပါသည်။
၁၉၈၀ ပြည့်လွန်နှစ်ကာလများ ရောက်လာသည့်အခါမှာတော့ ကျွန်တော့်အယူအဆများ ပြောင်းလဲလာခဲ့ပါသည်။ ရေးဖော်ရေးဖက်မိတ်ဆွေများ၏ မဂ္ဂဇင်းများအပေါ်
အတူလက်တွဲလှုပ်ရှားရေး ဆွဲဆောင်မှုကြောင့် လည်းကောင်း ဘာထရန်ရပ်ဆဲ စသော လူမှုပြုပြင်ရေး
ဒဿနဆရာများ၏ စာပေကြောင့်လည်းကောင်း မလိုလားအပ်သော တင်းမာမှုများကို လက်ကိုင်ပြုပြီး
ဘ၀ကိုဖြတ်သန်းခြင်းဖြင့် ကိုယ်ရောက်လိုသည့် ပန်းတိုင်ကို မရောက်နိုင်ကြောင်း သဘောပေါက်ခဲ့ပါသည်။
သို့ဖြင့် ၁၉၈၂-၁၉၈၃ ကာလများဆီမှစပြီး မဂ္ဂဇင်းများတွင် ပါဝင်ရေးသားဖို့ ကြိုးစားခဲ့ပါသည်။
ဤကဗျာရှည်နှင့်ပတ်သတ်ပြီးပြောရန် နောက်တစ်ချက်ရှိပါသေးသည်။
ဆိုခဲ့သည့်အတိုင်း ဤကဗျာရှည်သည် မဂ္ဂဇင်းစာမျက်နှာများအတွက် ရည်ရွယ်၍ ရေးသားခဲ့ခြင်းမဟုတ်ပါ။
မဟုတ်သည့်အလျောက် ဤကဗျာရှည်တွင် ပါဝင် သည့်စကားလုံးများ၊ အတွေးအမြင် စိတ်ကူးစိတ်သန်းများသည်
မဂ္ဂဇင်းစာမျက်နှာများပေါ်၊ သို့မဟုတ် ပုံနှိပ်စာလုံးအဖြစ် ဘယ်သောအခါမျှ ရောက်လိမ့်မည်ဟု
မထင်ခဲ့ပါ။ မထင်သည့်အလျောက် ဤကဗျာရှည်ထဲမှ စကားလုံးတချို့တလေနှင့် စိတ်ကူးစိတ်သန်းများသည်
နောင်အခါ (ယခုနှစ်ပိုင်းများ)၌ မဂ္ဂဇင်းစာမျက်နှာများအတွက် ရည်ရွယ်ပြီးရေးသည့် ၀တ္ထု၊
ကဗျာများတွင် အသုံးပြုမိခဲပါသည်။
ဥပမာ “ဟောသည်ကမ္ဘာမြေကြီးရဲ့ နာမကျန်းမှုတွေကို
ဆေးဝါးကုသဖို့အတွက် ကျွန်တော် ကဗျာဆရာလုပ်ရ မယ်အမေ” စသည့်စာပိုဒ်အချို့ကို “အမေ့အတွက်
ကက်တလောက်စာအုပ်သစ်” ၀တ္ထုတို၌လည်းကောင်း၊ “သိန်းစွန်ငှက် အပြန်လမ်း” ကဗျာရှည်တွင်လည်းကောင်း
အသုံးပြုခဲ့မိပါသည်။ ဤသို့ထပ်ခြင်းအတွက် စာဖတ်သူများအားတောင်းပန်ရန် ကျွန်တော့်ဘက်က
တာဝန်ရှိပါသည်။ ကျွန်တော့်ကိုယ်ကျွန်တော် ပြန်လည်ခိုးယူမိခြင်းဖြစ်ကြောင်း ၀န်ခံစကားဆိုပါသည်။
ခိုးယူခြင်းဟူသည့်စကားစပ်အရ ပြောဖို့တစ်ခုရှိလာရပြန်ပါသည်။
ဤကဗျာရှည်မှ စကားလုံးတော်တော်များများ နှင့် စာပိုဒ်အချို့ကို သီချင်းရေးသူတချို့နဲ့
ကဗျာဆရာတချို့ သူတို့၏သီချင်းများ၊ ကဗျာများတွင် ကူးယူအသုံးပြုထားကြောင်း ကျွန်တော်သိပါသည်။
ကျွန်တော့်အား ခွင့်တောင်းခြင်း၊ အသိပေးခြင်း၊ ၀န်ခံခြင်းမပြုပါ။ ကျွန်တော့်ဘက်က တစ်စုံတစ်ရာ တရားစွဲဆိုခြင်း၊ တန်ရာတန်ဖိုးတောင်းခံခြင်း စသည် မပြုလုပ်ခဲပါ။ ခွင့်လွှတ်ခဲ့ပါသည်။
ပြီးပြီးသားကိစ္စကို ခွင့်လွှတ်ခဲ့သော်လည်း နောက်ထပ်တစ်ဖန် ထိုသို့မပြုလုပ်ရန် တောင်းပန်စကားဆိုပါသည်။
နိဂုံး။ အနှစ်နှစ်ဆယ်ဝန်းကျင်ကာလမှ ကျွန်တော့်အတ္တရဲ့ရုပ်ပုံလွှာတစ်ခုသာဖြစ်ပါသည်။
သည်အချိန် သည်အခါရဲ့ ခံစားမှုများနှင့် အံချော်နေပြီဟုဆိုပါလျှင် ကျွန်တော့်အားခွင့်လွှတ်ပြီး
ထုတ်ဝေလိုသူ ကျွန်တော့်မိတ်ဆွေကိုသာ အပြစ် တင်ကြပါ။
ပိုင်စိုးဝေ
၂၆၊ ၁၂၊ ၉၂
နေမင်းပိုင်စိုးနှင့်တွေ့ဆုံခြင်း
ကတ္တာ
ဟောဒီကမ္ဘာကြီးရဲ့ နာမကျန်းမှုတွေကို ဆေးဝါးကုသဖို့အတွက်
ကျွန်တော်ကဗျာဆရာလုပ်ရမယ်။ အရာအားလုံး ကိုစွန့်လွှတ်ပြီးတော့ ကဗျာဆရာလုပ်ရမယ်အမေလို့
ကျွန်တော်ပြောဆိုတဲ့အချိန်မှာ အမေ့မျက်နှာပေါ်က မျက်ရည်စတွေ တလိမ့်လိမ့်စီးဆင်းကျလာပါတယ်။
အမေ့မျက်ရည်တွေ ခန်းခြောက်သွားစေဖို့ စကားတစ်စုံတစ်ရာ
ပြောလိုပေမယ့် ရှာမရခဲ့ပါဘူး။ ဒီလိုနဲ့ အမေရဲ့ မွေးကျေးဇူးကို မဆပ်နိုင်တဲ့သားတစ်ယောက်အဖြစ်
ကမ္ဘာထဲမှာ ပူလောင်စွာ စီးဆင်းခဲ့ပါတယ်။
ကမ္မ
ခေတ်ပေါ်ကဗျာဟာ အရေပြားပေါ်မှာတည်ရှိနေတဲ့
လှပမှုတွေကို ကျောခိုင်းပြီး ဘ၀ရဲ့အနက်ရှိုင်းဆုံး အတ္တတရား ကို ရှာဖွေတူးဖော်ခဲ့ကြပါတယ်။
ကဗျာဆရာရဲ့ခန္ဓာကိုယ်မှာ ဖွဲ့စည်းတည်ဆောက်ထားတဲ့ ၀ိညာဉ်တွေဟာ အာရုံတရား တွေနဲ့ သာမန်ထိတွေ့မှုပေါ်မှာ
ကဗျာဖွဲ့လိုမရနိုင်ပါဘူး။ ထိတွေ့ခံစားမှုကို အခြေခံတဲ့ ကဗျာဆရာရဲ့ဒဿနဟာ ကဗျာ တစ်ပုဒ်ရဲ့
အသွေးအသားပါပဲ။
ကျွန်တော်တို့ဟာ နေမင်းပိုင်စိုးရဲ့ ရိုးသားမှုနဲ့
နေမင်းပိုင်စိုးရဲ့ အတ္တတရားကို ရှာဖွေတွေ့ရှိနိုင်ပါတယ်။
ကတ္တာ
မှားယွင်းမှုများစွာနဲ့ ငါလူဖြစ်ခဲ့ပါသလား။
ရူးသွပ်မိုက်မဲစွာ ကဗျာဆရာအဖြစ်ကို ရွေးချယ်ခဲ့ပါသလား။
“မဟုတ်ဘူး။ မဟုတ်ဘူး”
လို့ ငါ့ကိုယ်ငါ ငြင်းဆိုခဲ့တဲ့အချိန်မှာ
ဒဏ်ရာ အနာတရတွေနဲ့ ဟောဒီကမ္ဘာမြေကြီးရဲ့ ငိုကြွေးသံတွေ တိတ်ဆိတ်သွားပါတယ်။
“ရှက်ကြတော့ဟေ့။ ရှက်ကြတော့”
လို့ ငါထပ်ပြီးရွတ်ဆိုလိုက်တဲ့အချိန်မှာ
အမှန်တရားတွေ ငိုကြွေးကုန်ကြပြီ။
ကမ္မ
ထင်ရှားကျော်ကြားမှုနဲ့ ပုံနှိပ်စာလုံးအဖြစ်
ဖော်ပြခံရမှုကို ဦးတည်ပြီး ကဗျာကို သေးသိမ်စွာတွက်ချက်နေသူတွေ ကိုတော့ ကျွန်တော်တို့က
ရယ်မောပစ်လေ့ရှိပါတယ်။ ကဗျာရဲ့အဓိပ္ပာယ်ဟာ ဒီ့ထက်ပိုမို ကျယ်ဝန်းခဲ့ပါပြီ။ ဘ၀ရဲ့ဝေဒနာ
ကို အနက်ရှိုင်းဆုံးဟု ဖော်ပြနိုင်တဲ့ ကဗျာဆရာသာ သမိုင်းရဲ့စာမျက်နှာပေါ်မှာ လှပစွာ ကျန်ရှိပေလိမ့်မယ်။
ဒီအကြောင်းကို ပြောဆိုဆွေးနွေးကြတဲ့အခါတိုင်းမှာ
နေမင်းပိုင်စိုးဟာ ကျွန်တော်တို့အတွက် ပြယုဂ်တစ်ခုဖြစ်ခဲ့ ပါတယ်။
ကတ္တာ
ကျွန်တော့်အတ္တနဲ့ ထုလုပ်ထားတဲ့ စာအုပ်ငယ်လေးပါ။
အမေ့ မွေးကျေးဇူးကိုမဆပ်နိုင်ခဲ့တဲ့ ကျွန်တော်ရဲ့ ကိုယ် စား . . . ကမ္ဘာမြေကြီးက အမေ့ကို
ဦးညွှတ်အလေးပြုတော့မယ်။
ကဗျာခရီးသွားတစ်ဦးနှင့် နေမင်းပိုင်စိုး
၂၊ ၅၊ ၁၉၇၈
နေရောင်ခြည်နဲ့တွေ့ဆုံခြင်း
လေထုကိုဖြတ်သန်းစဉ်မှာ
ငါဆိုတာရှိခဲ့ပြီ
ငါရှိကြောင်း
သေချာခဲ့ပြီ။
တစ်စုံတစ်ယောက်က
“နေမင်းပိုင်စိုး”
လို့ခေါ်လိုက်စဉ်မှာ
ငါမရှိကြောင်း
သေချာခဲ့ပါပြီ။
အလင်းအားတစ်ခု
ဖြတ်သန်းမည့်ဆဲဆဲ
“ကြေကွဲရတော့မယ်”တဲ့
ညရဲ့ဝိညာဉ်တွေက။
ရေကျချိန်တွင်
မျောပါသွားသည့်
အမှိုက်တစ်စပမာ
နာကျင်စွာ
ပျော်ရွှင်နာကျင်စွာ
ရာဇ၀င်ကားချပ်ပေါ်မှာ
မဆုတ်မနစ်
သွေးသစ်များဖြင့်
လန်းဆန်းလတ်ဆတ်
အဆက်မပြတ်
အချစ်စိတ်ယိုစီးမှုများနဲ့
မွေးဖွားခဲ့တဲ့ငါပါ။
ပန်းရိုင်းတွေက
မြေကြီးပေါ်မှာဖူးပွင့်လို့
အဝေးကြီး
ဟိုး…
… အဝေးကြီးရယ်မောသံတွေ
ငါ့ရင်ထဲမှာ
ဆွေးမြည့်သေဆုံးနေကြ
ဘ၀တစ်ခုလုံးနဲ့တော့
မလဲနိုင်ခဲ့ဘူးကွယ်။
အားလုံးဟာ
မီးတောက်ထဲမှာ
သန္ဓေတည်ခဲ့တဲ့
ရောဂါပိုးတွေပဲ
အသွေးအသားတွေနဲ့
ငါ့ရဲ့
ငါ့ရဲ့အသွေးအသားတွေနဲ့
အတုမဲ့
ယှဉ်ပြိုင်ဝံ့သူမရှိတဲ့
သူရဲကောင်းဖြစ်လာမယ့်နေထိ
အသွေးအသားတွေနဲ့
ငါ့ရဲ့အသွေးအသားတွေနဲ့။
အိုကွယ်.
. .မိန်းကလေးရဲ့
နာကျင်မှုနဲ့
ငါ့မျက်ရည်တွေပေါ်မှာ
မကြင်နာသူ
တေးဆိုငှက်တွေက
ဒီဇင်ဘာနှင်းရည်စက်တွေနဲ့
ဖျန်းပက်လို့
ကြည်စယ်ကြတော့မယ်။
သတိတရတမ်းတစိတ်တွေနဲ့
ရွှေချထားတဲ့
စကားလုံးများမပါဘဲ
မိန်းကလေးရေ
ရိုးရိုးပဲ
ငါလွမ်းလိုက်တော့မယ်။
ငါဘယ်လောက်ချစ်ခဲ့တယ်ဆိုတာ
ဘုရားသခင်တောင်
ငြင်းနိုင်မှာမဟုတ်ဘူးကွယ်။
ဘာသာဗေဒမဲ့
မွေးဖွားလာခဲ့ရတဲ့
တို့အချစ်များ
နှလုံးသားအကြော်ငး
ပြောဆိုခွင့်မရှိ။
နွမ်းလျ၊
ပင်ပန်း၊ ရီဝေစွာ
ကြည်နှုး၊
ချိုမြ၊ ရင်ခုန်စွာ . . .။
တခါတလေတော့လည်း
အသည်းနှလုံးမရှိသူတွေလို
ရယ်မောကြ
အနာဂတ်မရှိသူတွေလို
ကလေးဆန်ကြရင်း
အသံလှိုင်းလေးများ
တဖြည်းဖြည်း
နိမ့်ဝင်ပျောက်ဆုံးသွားတဲ့အခါ
ခွဲခွာဖို့
တို့သိကြပြီ။
ဟိုယခင်
မင်းနဲ့ငါ
ဟိုယခင်တွေ့စ
ဒီဇင်ဘာရဲ့
ညနေတစ်ခုမှာ
ငါ
ကဗျာဆရာလေ
နင်၊
သင်ခန်းစာထဲ အိပ်ငိုက်သူ
ဘွဲ့အထပ်ထပ်ယူဖို့
ကြိုးစားသူ
မုန့်တီစား၊
ရုပ်ရှင်သွား၊ ပုတီးစိတ်
ဘုရားဝတ်ပြု၊
စာဖတ်
လက်ထပ်စာချုပ်ကို
တစ်နှစ်တစ်ကြိမ် အတည်ပြုရသူ။
အံကြိတ်ပြီးခေါင်းငုံ့ရတဲ့အခါ
အားတင်းပြီး
ကျောခိုင်းကြတဲ့အခါ
မာနဆိုတာ
ကြေကွဲခြင်းပဲ
ဖြစ်လိမ့်မယ်။
ပထမဆုံးလူ
မဖြစ်နိုင်တဲ့အခါ
ဒုတိယလူဆိုတာ
တတိယလူနဲ့
အတူတူပါပဲကွယ်။
ငါ
မိုက်မဲစွာရင်ခုန်တတ်သူ
အပွန်းအပဲ့များစွာ
ဒဏ်ရာအပြည့်နဲ့လူ။
မင်းလည်း
ငါ့လိုပဲ
ရင်ခုန်တတ်သူ
သို့ပေမယ့်
အသည်းနှလုံးနဲ့
စကားမပြောတတ်သူ။
အိုကွယ်
. . . ထားခဲ့တော့
ထားခဲ့တော့ကွယ်
ရာဇ၀င်ထဲမှာ
မောင့်ကိုထားရစ်ခဲ့။
ခွဲခွာရမယ့်
အနာဂတ်ရဲ့
ညနေတစ်ခုမှာ
လှပစွာ
မင်းပြုံးနိုင်ဖို့အတွက်
မျက်ရည်တွေနဲ့
ငါပျော်မွေ့ဆဲပါ။
တမ်းတ၊
ကြေကွဲမှုတွေနဲ့
မျှော်လင့်ခြင်းရဲ့
ကမ်းပါးစွန်းပေါ်မှာ. . .
ထားခဲ့တော့ကွယ်
ရာဇ၀င်ထဲမှာ
မောင့်ကိုထားရစ်ခဲ့။
စွဲလမ်းမှုရဲ့
အသည်းနှလုံးနဲ့ဝေးရာ၊
အစဉ်အလာများရဲ့
ချုပ်တီးမှုမဲ့လွတ်ကင်းရာ၊
ကြယ်များမရှိတဲ့
ညများရဲ့
ကျုံးရေပြင်ထက်မှာ
ငါ
ငိုပါသည်
ငါ
ငို ပါ သည်
ငါ့မျက်ရည်တို့သည်
သမုဒ္ဒရာလေးစင်းထက်ပင်
များကုန်၏။
အိုကွယ်
မိန်းကလေးရဲ့
ကြေကွဲမှုနဲ့
ငါ့ရဲ့မျက်ရည်တွေပေါ်မှာ
မကြင်နာသူ
တေးဆိုငှက်တွေက
ဒီဇင်ဘာနှင်းရည်စက်တွေနဲ့
ဖျန်းပက်လို့
ကြည်စယ်ကြတော့မယ်။
ညို့ညို့မှိုင်းမှိုင်း
မန်ကျည်းပင်အိုတွေနဲ့
ဘုန်းကြီးဦးဝိသုဒ္ဓရဲ့
ရွာဦးကျောင်းထိပ်ဖျား
တောကျီးကန်းများ
အော်မြည်နေကြစဉ်. . .
အမေက
ငါ့လက်ကိုဆွဲလို့
လယ်ကွင်းထဲမှာ
နွားမတွေမြက်စားလို့
ရွာအနီးမှဖြတ်သန်း
မြစ်တစ်ခုရဲ့
ကမ်းပါးပေါ်မှာ
ဟောဟိုခပ်ဝေးဝေး
တောညိုတန်းထိ
ငွေဗျိုင်းဖြူတွေ
ပျံသန်းနေကြရဲ့။
ကမ္ဘာမြေကြီးရဲ့
လတ္တီကျုမျဉ်းကြောင်းတစ်ခုပေါ်မှာ။
နေ၀င်တိမ်တောက်
ပျိုကြောက်တဲ့သည်အချိန်
ဆီမီးကွယ်
မှန်အိမ်နဲ့
ဟိုလွန်ခဲ့တဲ့
အနှစ်နှစ်ဆယ်ကျော်
ငယ်ရွယ်စဉ်ကလေးဘ၀
ထန်းတဲကအပြန်
အစ်မရဲ့သီချင်းသံဟာ
လေထဲမှာ
ကျန်ရစ်ခဲ့ပေါ့။
ပစ္စုပ္ပန်မှာတော့
. . .
ခံစားချက်တွေ
သုတေသနစာတမ်းတွေ
ရှေ့နေတွေနဲ့၊
ဓမ္မကထိကတွေ
တ၀ုန်းဝုန်းပြေးဆောင့်လာတဲ့
ဖုန်မှုန့်တွေကြားဝယ်၊
တဖြည်းဖြည်း
ဆွေးမြည့်လာသော
ပြက်လုံးတွေနဲ့ရယ်
မရယ်ချင်တဲ့အပြင်
ငါ
ရယ်တောင် ရယ်လိုက်ချင်မိရဲ့
ဇာတ်ခုံပေါ်မှာ
ငိုချင်းချဆဲ
ဒီလိုနှင့်ပင်
“ အလွမ်းကိုမခံစားတတ်တဲ့
ရောဂါသည်တစ်ဦး”အဖြစ်နဲ့
နာကျင်စွာ
ပေါက်ကွဲလုလုသံစဉ်များနဲ့
ဖွဲ့ဆိုထားတဲ့
ကမ္ဘာမြေကြီးပေါ်မှာ
ကျွန်တော်
လမ်းလျှောက်နေဆဲပါ။
မိုးကောင်းကင်ရဲ့
ကျယ်ပြန့်မှုအောက်
ကဗျာဆရာတစ်ယောက်ဖြစ်ခွင့်
လွတ်လပ်စွာရှိပါရဲ့လား။
အိုကွယ်
. . .ညနေခင်းကလေးရဲ့
ကြေကွဲမှုနဲ့လှပချိန်
အိမ်ပြန်ဖို့သတိမေ့နေတဲ့
ဂျစ်ပစီမလေးရေ
မင်းဝတ်ဆင်ထားတဲ့
နောက်ဆုံးပေါ်ဒီဇိုင်းဟာ
ငါဖြစ်ခဲ့ပြီကွယ့်။
လာကြလေ
မီးပုံထဲဖြတ်နင်း
တေးသီချင်းအော်ဆိုကြ၊
ဟောဟိုမှာ
ကျူးကျော်စစ်ကို
ကျိန်ဆဲရင်းနဲ့
ကလေးရဲ့အမေ
ဓမ္မသီချင်းကို
ရွတ်ဆိုနေရဲ့။
လူသားတစ်ယောက်ဖြစ်ကြောင်းအတွက်
သက်သေပြခဲ့
အသည်းနှလုံးနဲ့
ဖွဲ့ဆိုခဲ့
ရိုးသားမှုနဲ့
ဘ၀ကိုဖက်တွယ်ခဲ့
ခမ်းနားတဲ့
အိပ်မက်တွေနဲ့။
အပူဒီဂရီ
တစ်ရာ့ရှစ်
စိတ်ညစ်ပြီး
သတ်မသေကြပါနဲ့
မိတ်ဆွေတို့ရေ
အယ်လ်ကိုဟောနဲ့
တွေ့ထိတဲ့အခါ
အီကွေတာကဗျာတွေလို
သွေးကြောကိုဆူပွက်စေလိ့မ်မယ်။
ဘာကိုမှမယုံဘဲနဲ့
ပုံခဲ့တဲ့သူတွေအတွက်တော့
အမှန်အမှားဟာ
ကံတရားသာဖြစ်ပါစေတော့။
ဂုဏ်သိက္ခာမဲ့
အသက်ရှင်ရတဲ့နေ့များ
ဘုရားသခင်နဲ့
မငြင်းခုံလိုတော့ပါ။
ရယ်မောခြင်းတစ်ခု
စာအုပ်ပုံကြားမှာ
ကျိုးကြောင်းဆက်သွယ်မှု
ယုတ္တိဗေဒတွေနဲ့
ငါ့အတ္တကို
ခွဲစိတ်နေကြရာ . . .
အမှောင်ထု၏ဟိုမှာဘက်တွင်
နေထွက်ကြောင်း
သင်တို့သိပါသည်။
တစ်ခုတည်းသော
အမှန်တရားအတွက်
သက်သေပြချက်မရှိ
လူ၏၊
အဇ္ဈတ္တ၌ရှိသောအရ
ဘာနဲ့မှချေဖျက်မရ
ဘ၀၊
အို . . . နောက်ဆုံးစက္ကန့်ပေါ်မှာ
ခေါင်းမာစွာ
ငြင်းဆိုနေဆဲပင်။
“နောက်ဆုံး”ဟုအမည်ပေးထားတဲ့
ဟောဟိုသစ်ပင်ရဲ့အရိပ်မှာ
ကဗျာဆရာတွေ
ငြင်းခုံနေကြစဉ်၊
“ဖြတ်သန်းခြင်း”လို့ခေါ်ဆိုကြတဲ့
ဟောဒီမြစ်ရဲ့
အနက်ဆုံးအပိုင်းမှာ
ငါ့မျက်နှာကို
ဆေးကြောပစ်ခဲ့ပြီ။
နှုးညံ့
မွှေးပျံ့ပျံ့
နှင်းဆီဝတ်ဆံတို့နဲ့
သမုဒ္ဒရာတို့ရဲ့
ဟိုဘက်ကမ်းမှ
ဖြတ်သန်းလာသော
လေပြည်နုတို့
တွေ့ဆုံတဲ့အခါ
ကြင်နာစွာ
ပွေ့ဖက်သောအနမ်းမှ
အလွမ်းညများရဲ့
ဒဏ္ဍာရီတစ်ခု
ကြေကွဲမှုနဲ့
ငါဖွဲ့ဆိုမိပေါ့
မင်းတို့ခံစားနိုင်ဖို့တော့
မလွယ်ဘူးလေ။
ဟုတ်ကဲ့
ခန္ဓာကိုယ်ရဲ့အတွင်းပိုင်းမှာ
မာရ်နတ်နဲ့တည်ဆောက်ထားပါသလား၊
လူတွေပြောပြောနေတဲ့
အမှန်တရားဆိုတာ
ဘုရားသခင်ရဲ့
သိက္ခာပုဒ်တွေလား၊
ဒါပေမယ့်
. . . အမေ
ကျွန်တော်
ကျိန်ဆိုဝံ့ပါရဲ့
အဲဒီကင်းဘတ်စပေါ်က
ကုဗပုံပန်းချီကားချပ်ဟာ
ကျွန်တော့်ပုံတူအစစ်ပါ။
သန့်ရှင်းစွာ
ခမ်းနားသိမ်မွေ့စွာ
အိပ်မက်ထဲမှာ
အနာရောဂါမရှိ။
ဦးမညွှတ်ပါ
ဒူးမထောက်ပါ
ကဗျာထဲမှာ
မာနတရားနဲ့အပြည့်။
လူဖြစ်လာခြင်းအတွက်
ငြင်းချက်ထုတ်ဖို့
တစ်စုံတစ်ရာ
မရှိခဲ့ဘူးဆိုရင်
နှစ်သိန်းလေးသောင်းအထုရှိတဲ့
ဟောဒီမဟာပထ၀ီမြေကြီးဟာ
ငါ့ခန္ဓာကိုယ်ထဲက
ဖိတ်စင်လွင့်ကျသွားတဲ့
အစိတ်အပိုင်းတစ်ခုသာ
ဖြစ်လိမ့်မယ်။
အေးစက်တဲ့
အလင်္ကာတွေနဲ့
ဖွဲ့ဆိုထားတဲ့
အကြင်နာများစွာ
ငါ
. . . ၀မ်းနည်းစွာ ငြင်းဆိုလိုက်ရပြီ။
မွန်းကြပ်လှောင်ပိတ်မှု၏
ငါဖြစ်ဆဲမှာတော့
ငါ့ကိုယ်ငါ
ချစ်တတ်မှုနဲ့သာ
သင်တို့ကို
ငါချစ်ခဲ့ရပေါ့။
ဒီလိုနဲ့ပင်
. . . တစ်စတစ်စပွန်းပဲ့
လူ့အဖြစ်ရဲ့
စက္ကန့်များစွာမှာ
ငါ့ကိုယ်ငါ
ငြင်းဆိုနိုင်ခွင့်မရှိတော့ပါ။
သို့ပေမယ့်
ကမ္ဘာကြီးကို
ရွဲ့စောင်းစေခြင်းမှာ
ပန်းချီဆရာဝေချစ်ကိုရဲ့
ရှည်လျားကွေ့ကောက်သော
ဆံပင်များကြောင့်သာ
ဖြစ်တော့တယ်။
အိုကွယ်
. . . မိန်းကလေးရဲ့
ဖုံးကွယ်ထားတဲ့
ငါ့ရဲ့မျက်ရည်တွေပေါ်မှာ
မကြင်နာသူတေးဆိုငှက်တွေက
ဒီဇင်ဘာနှင်းရည်စက်တွေနဲ့
ဖျန်းပက်လို့
ကြည်စယ်ကြတော့မယ်။
တကယ်လို့သာ
မင်းဟာ၊
ငှက်ကလေးတစ်ကောင်ဖြစ်ခဲ့ရင်တော့
ပျံတက်ဖို့ရော၊
နားတတ်ဖို့ပါ
နှစ်ခုလုံးဟာ
လိုအပ်ခဲ့တယ်။
လွဲမှားမှု
စာတမ်းပြုစုသူတွေနဲ့
အကြင်နာတရားရဲ့
နတ်ဆိုးများ၊
အလင်းရောင်ချို့တဲ့
စည်းဝါးမဲ့နံရံများရဲ့
ဟိုမှဘက်မှ
သုညဖြစ်တဲ့
ကမ္ဘာမြေမှာ
ငါ၊
ထာဝရကဗျာဆရာသာ ဖြစ်တော့တယ်။
ငါ့ခြေတွေ
နှစ်ဖက်လုံးပြတ်နေတောင်မှ
အနုပညာဆိုတဲ့တောင်ဝှေးကို
ထောက်ပြီး
ငါ
လမ်းဆက်လျှောက်ဦးမယ်။
ဟုတ်ကဲ့
ပညာရှိတွေရဲ့
အာရုံကြောများစွာ
လေထဲမှာ
တွန့်ခေါက်သွားပါသလား၊
ပီကာဆိုရဲ့
ဂန္ထ၀င်အပြာ
ကလာသီဝရီထဲမှာ
သေဆုံးသွားပါသလား။
နံပြည်စုတ်ငှက်ကလေးတို့ရေ
သင်တို့
ဆက်လက်အော်မြည်နိုင်ပါစေ။
ကမ္ဘာလုံးခြမ်းရဲ့
ဝင်ရိုးစွန်းပေါ်မှာ
ငါ့ခန္ဓာ
ကြီးလိုက်၊ သေးလိုက်၊ ဝေးသွားလိုက်
ငါ့ဆီပြေးလာကြ
ငါ့ဆီက
ပြေးထွက်သွားကြ၊
အုံ့မှိုင်းသော
တနင်္ဂနွေများတွင်
တပ်ဆင်မရသော
နိယာမများစွာ
အနုပညာမရှိတဲ့
ရပ်ပြစ်ရှစ်ပါးထဲမှာ
အရူးတစ်ယောက်လို
အော်ဟစ်ရယ်မောပစ်ခဲ့ရာ . . .
အကြေကွဲဆုံး အရှုံးသမားဖြစ်ခဲ့ရပေမယ့်
အပြစ်မဲ့ဆုံး နှလုံးသားနဲ့မို့
အရိုးသားဆုံး အပြုံးတစ်ခုကို ပိုင်ဆိုင်ဆဲပါ။
အိုကွယ်
. . .မိန်းကလေးရဲ့
ဖုံးကွယ်ထားတဲ့
တို့ရဲ့ကြေကွဲမှုတွေကို
ထာဝရခွဲခွာပြီးကာမှ
တို့
. .
. ထာဝရလွမ်းကြရအောင်နော်။
နေ့မရှိ၊
ညမရှိ
အကြေကွဲဆုံးကာလမှာ
သန္ဓေတည်ခဲ့တဲ့
ရင်ထဲကအစိုင်အခဲ
ခွဲထုတ်ပစ်လို့မရဘူးလေ။
ခန္ဓာကိုယ်ပေါ်မှာ
ကောက်ကြောင်းများစွာ ဆွေးမြည့်ကာမှ
ဘ၀ကို
ချစ်နိုင်ဦးတော့မလား။
ချိုကျိုးနွားနဲ့
ဒွန်းစဏ္ဍားတို့ထက်
ပိုမိုရိုကျိုးသိမ်မွေ့စွာ
ငါးဆယ်ရာခိုင်နှုန်းထိ
လျှော့ချခံခဲ့ရရာ
လက်ဖက်ရည်ဆိုင်က
အုန်းဆံကြိုးခွေပမာ
ကျွန်တော်
အလိုမတူခဲ့ပါ။
“မငိုဘူး
ဘယ်တော့မှ
မငိုဘူး”
မာနကိုပွေ့ဖက်
မျက်ရည်တွေနဲ့
ငါ ဖြတ်သန်းခဲ့ပြီ။
တနင်္ဂနွေများစွာနဲ့တည်ဆောက်
ဦးနှောက်၏
ခိုင်မာသောပြယုဂ်တစ်ခု
ရစ်သမ်မဲ့
ဖွဲ့စည်းမှုလက်ဖက်ရည်ခွက်ထဲမှာ
ပွန်းပဲ့ခဲ့သော
သမာဓိတရားများစွာ . . .
မိတ်ဆွေတွေနဲ့၊
ယင်ကောင်တွေနဲ့
တ၀ီဝီအော်မြည်နေခဲ့ခြင်း
မွန်းကြပ်မှုထဲမှာ . . .
တစ်စုံတစ်ရာ
လွဲမှားမှုမရှိ
တစ်စုံတစ်ရာ
နာကျင်မှုမရှိ
ပကတိအဖြစ်
သုညအဖြစ်
လွတ်လပ်စွာ
ငါ့ကိုယ်ငါ
ပြီးပြည့်စုံခဲ့ပြီ။
ချုပ်တည်းမှုမဲ့
လွင့်မျောခဲ့သောအတ္တများ
မွေးဖွားကြ၊
သေဆုံးကြ
တရားတော်အတိုင်း
ရိုးသားကြ
တရားတော်အတိုင်း
ဖောက်ပြန်ကြ။
ငါကိုယ်တိုင်ရေးသားခဲ့သော
ငါ့အတ္ထုပ္ပတ္တိကျမ်းမှာ
ငါ
မာရ်နတ်တစ်ယောက်အဖြစ်
ငြင်းဆိုနိုင်ခွင့်ရှိရဲလား။
အသက်ရှင်ခြင်းကိုမြတ်နိုးဆဲ
လွဲမှားမှုနဲ့
အမှန်တရားပေါ်မှာ
ခဏငယ်များစွာ
ဖြတ်သန်းနေကြစဉ် . . .
ပြုတ်ကျလာသော
အိမ်မြှောင်တစ်ကောင်မှာ
ငါ့မျက်နှာပေါ်
တဖြည်းဖြည်း နီးကပ်လာပေါ့။
အိုကွယ်
. .
. မိန်းကလေးရဲ့
နာကျင်မှုနဲ့
ငါ့မျက်ရည်တွေပေါ်မှာ
မကြင်နာသူတေးဆိုငှက်တွေက
ဒီဇင်ဘာနှင်းရည်စက်တွေနဲ့
ဖျန်းပက်လို့
ကြည်စယ်ကြတော့မယ်။
ဟေး
… …
…
… …
… …
… …
… … …
… …
… … …
… … … အသက်ရှူခြင်းကို
ရပ်လိုက်ကြ
ရပ်လိုက်ကြ၊
ဟောဒီမဟာပထ၀ီမြေကြီးနဲ့
အလင်းရောင်ရဲ့
အမြန်နှုန်းပေါ်မှာ
သင်တို့ကို
ငါချစ်ခဲ့ပါပြီ။
အာရုံငါးပါးရဲ့ဟိုမှာဘက်မှာရှိတဲ့
ကဗျာဆရာရဲ့
ဝိညာဉ်နယ်မြေမှာ
သင်တို့ဟာ
ငါဖြစ်ခဲ့ပါပြီ။
တုန်ယင်လှိုက်လှဲ
လည်ချောင်းကွဲသံနဲ့
သီချင်းဆိုမိပေါ့။
ရွှေအိုရောင်ငှက်ကလေးရေ
မင်းမျက်ရည်တွေရဲ့တန်းဖိုးကို
ပေးဆပ်ဖို့
ငါ့မှာတာဝန်ရှိခဲ့ပြီ။
နာကျင်မှုတွေနဲ့
ပိုလို့တောင်
တောက်ပြောင်ခဲ့သေးရဲ့
ကမ္ဘာမြေကြီးကို
ငါတည်ဆောက်ခဲ့တယ်။
လွဲမှားမှုတွေနဲ့
ပိုလို့တောင်
ညီညွတ်ခဲ့သေးရဲ့
အမှန်တရားကို
ငါဖန်ဆင်းခဲ့တယ်။
မိုးသားတွေ
ဟိုး
. .
.အနောက်တောင်ဆီက
မိုးသားတိမ်တိုက်တွေ
ရင်ထဲမှာအော်မြည်တမ်းတ
ငါ့လက်နဲ့
ခေါ်ယူမရဘူးကွယ်။
ရင်ခုန်သံအားကောင်းဆဲ
သွေးကြောထဲမှာ
အဖုအထစ်မရှိ
ချစ်တတ်ခဲ့သည့်
“၀ီထိစိတ်”များစွာ
ငါ့ခန္ဓာကိုယ်ရဲ့အတွင်းဘက်
အပြင်ဘက်
ထွက်သက်ဝင်သက်တိုင်းမှာ
ငါရှိနေမှုနဲ့
…
အသံတွေ
လေထုထဲမှာရှိတဲ့၊
အမည်တွေ၊
နာမပညတ်တွေ
အာကာသထဲမှာရှိတဲ့၊
ဆင်ခြင်တွေးတောမှုအင်အားနဲ့
ဝါဒတရားတွေ
ငါ့ရဲ့၊
ဟဒယရုပ်ဝတ္ထုမှာရှိတဲ့၊
အရည်
အငွေ့
အစိုင်အခဲအဖြစ်နဲ့
လွင့်မျောပါစေကွယ်။
စကြ၀ဠာထဲမှာ
ငါအဖြစ်
ပရမာဏုမြူအဖြစ်
သီချင်းတစ်ပုဒ်အဖြစ်
“ငါကိုကျောပေးထားသော
အိမ်မြှောင်များအကြောင်း”ဆိုတဲ့
ဒိုင်ယာရီစာအုပ်ငယ်လေးအဖြစ်
လွတ်လပ်စွာ
ပျံသန်းပါစေ
ပျံသန်းကြပါစေ။
အဲဒါ
ငါပေါ့
ငါကိုယ်တိုင်ပေါ့ကွယ်
ဟိုအဝေးခပ်လှမ်းလှမ်း
ဖြတ်သန်းသွားသော
အလွမ်းတစ်ခု။
သူတို့က
ဘ၀တဲ့လား
ငြင်းခုံမနေပါနဲ့
ထားခဲ့တော့လေ။
မိုးပွင့်များ
တဖွဲဖွဲရွာချ
ညအမှောင်ထုရဲ့
လျှပ်စီးလက်ခြင်း
အလင်းတစ်ခုထဲမှာ
ဝါးကြမ်းခင်းအိမ်အိုလေးရဲ့
ပြတင်းဝမှာထိုင်လို့၊
အသံမထွက်တဲ့
ဂစ်တာအိုတစ်လက်ကိုပိုက်လို့၊
မျက်ရည်မထွက်တဲ့
ကြေကွဲမှုတွေနဲ့၊
အကုသိုလ်တရားရဲ့
လောင်မြိုက်မှုတွေနဲ့၊
အို
. . .
ဒူးမထောက်လိုက်ပါနဲ့
ဘုရားသခင်ထံ
ဒူးမထောက်လိုက်ပါနဲ့၊
အိပ်မက်တွေ
အားလုံးဟာ
အိပ်မက်တွေပဲကွယ်။
သိပ်သည်းကျယ်ပြန့်သော
မွတ်သိပ်မှုနှင်းထုထဲမှာ
ဝမ်းနည်းစွာ
လက်ဆွဲနှုတ်ဆက်ကြ၊
မျှော်လင့်နေဆဲပါ
နံရံပေါ်မှာ
မှတ်စုရေးရင်း
တဖြည်းဖြည်း
ငါ အိုမင်းခဲ့ရ။
လှပတဲ့အိပ်မက်တွေမက်တုန်း
ဖြစ်နိုင်ခြင်းရဲ့
နောက်ဆုံးနေ့ထိ
ငါ
…
ငါ
…
ငါ
…
ငါလား
နေမင်းပိုင်စိုးပေါ့၊
သင်တို့လား
နေမင်းပိုင်စိုး
မဖြစ်နိုင်တဲ့လူတွေပေါ့။
။
ဝိဇယစာအုပ်တုက်
ဒီဇင်ဘာ၊ ၁၉၉၄
