အညှိတက်နေတယ်
အချိန်ကာလပြပုဒ်တခု
နောက်တခါလာမေးရင် ဈေးတမျိုးပြောဘို့
အသင့်ပြင်ထားတဲ့ နှုတ်ခမ်းဆိုးဆေးအရောင် ဖျော့ဖျော့
ကောင်တာ မှန်ရှိုးကေ့စ်ပေါ်မှာ လက်ထောက်လျက်
လုပ်ငန်းကောင်းလား မသတီစရာမေးခွန်း
တလွဲဆံပင်မကောင်းလိုက်ပါနဲ့
ခြောက်ကပ်ကပ် အာသီသတခု အလုပ်လုပ်ပုံ အဆင့်ဆင့်
မင်းပျင်းနေရင် သွား အဲဒီ စတီယာရင် ၀ှီးလ်ကို တချိန်လုံးလှည့်နေလိုက်
ကျမ အယ်လ်ဘမ်ထဲက Miss independent ကို သူတို့မုန်းတယ်
ပြီးတော့ သန်းချီတဲ့စကားတွေ မြွက်ကြားကြအုန်းမယ်
ကျမလဲ သူတို့ကိုမုန်းတယ်
ကျမက ကျမပဲလေ
စပါးကြီးမြွေဟာ သူ့ထက်အဆမတန်ကြီးတဲ့ သူ့အစာကောင်ကိုမြိုသလို
မညီညီအောင် ဖျစ်ညှစ်ပြီး တွဲချိတ်လိုက်တာပါပဲ
ပေါလ်မာဒွန်းကို မြောက်ပိုင်းအိုင်ယာလန်မှာ ၁၉၅၁ ကမွေးတယ်
“ဆန်စေ့တိုင်း သံလိုက်အဆွဲခံရ” လို့ သူ့ကဗျာထဲမှာထည့်ရေးတယ်
နေ့ခင်းကြောင်တောင် သတ်ပုံအမှားတွေ လိုက်ရှာနေတဲ့ ငနဲပေါ့
(ပြန်ပြောင်းပြောပြသူရဲ့ မှတ်ချက်)
“ဥက္ကာပျံတွေသာဖြစ်တယ်လို့ ပိုလာရွိုက်လို အော်ပြောချင်ပုံပါပဲ”
လို့
၁၉၉၈ မှာ အဆုံးသတ်လိုက်တယ်
ခုလတ်တလောမှာ ဘာကိုဘယ်လို အဆုံးသတ်ရမယ်ဆိုတာ
တကယ့် အစ်ရှူးပေါ့
(ဆူပါ အစ်ရှူးပဲ
တစ်သျှူး..ဘာဖြစ်တယ် ၀ူရှူး …… ကျူရှူးမှာ…အစရှိသဖြင့်
မကစားတော့ပဲ)
-သိပ်ပေါ့ပါး
-သိပ်တည်ငြိမ်
သူ့စာကြောင်း၂ ကြောင်းကိုပဲ ပြန်ယူ
စာလုံးတွေကို စားပွဲပေါ်မှောက်ချလိုက်တယ်
ကဲ လာ လက်စီကွန် ကစားကြမယ်
အမှတ် နှစ်ဆ သုံးဆ ရဖို့ ခေါင်းပူအောင်စဉ်းစား
ဒစ်ရှင်နရီချည့်လှန်နေမှတော့
မင့်ဟာက ကစားတာနဲ့မတူ
ဘာကကော ဘာနဲ့ တူရအုန်းမှာတုန်း
သင်္ကြန်လို သင်္ကြန်နဲ့ မတူတော့တာမျိုးကို အညွှန်းပြုချင်တာလား
အမြဲတမ်းဆောင်ထားလေ့ရှိတဲ့
Herb mineral mist ကို မျက်နှာပေါ် ပက်ဖျန်း
လိုက်ရင်တော့ လန်းဆန်းသွားတော့တာပါပဲ။ ။
ခင်အောင်အေး
Read more...
